Waterdüörsken

Mittwoch um 18.00 Uhr Küeraobend im Hauenhorster Heimathaus

Tarabummtrara! So kanns et nu baole jedet Wiärkenenne uut baole jeden Hook höern. Iärst wiet weg, dann naiger un immer naiger. Un dann kuëmt se üm de Ecke harümstrüemeln. `N heelen Trop Mannslüüde de ächter de Fahne un de Musik ächteranlaupt. Wat häb wi dat doch in de lesden Jaore vemisst. Wat is us dat doch leed afgaon dat üöwerall dat Schüttenbeer uutfallen mos. Aower wi häbt et üöwerstaon. Nu gait aals wier sienen gewuënten Tratt. Män eent wil wi auk nich vegiärten. Naigsden Gunsdag Aobends Klok sess driärp wi uns wier to`t Waterdüörsken unnern Boosen.