Küeraobend

Küeraobend mit Maibowle

Nu sin de warmen Daage endliks dao. Jau! so stellt man sik den Mai vör. Et is ne Freide nao buten to kieken. Üöwerall grönt un blait et un de Sunne häw Macht wenn se den heelen Dag von'n Hiëmel harunner schint. Dao is et kien Wunner dat man aobends üörndlik Duorst häw. Dat mot aower nich sien! Dao kan man wat dran doon. Un dao doo wi auk wat dran! Et gif bi usse Waterdüörsken in'n Mai ne lekkere Waldemesterbowle. De wollen wi ja immer al maol häbben. Wi driäpt us, äs immer an'n diärden Gunsdag in'n Monat, aobends Klok Siëben unnern Bosen int Heimathuus. Bes daohen, haolt de Aoren stiew.